ශර්ලොක් හෝම්ස් : අතුරුදහන් වූ නෞකාව - සොෆී ඇන්ඩසන්

 අතුරුදන් වූ නෞකාව...

 "සොෆී ඇන්ඩසන්"

 °_පළමු කොටස_°

එක් සවස් යාමයක මගේ මිත්‍ර තර්ස්ටන් සමග බිලියඩ් ක්‍රීඩාකිරීම සඳහා, මම ක්‍රීඩා සමාජ ශාලාව වෙත පිටත් වී ගියෙමි. මා ආපසු එද්දි සවස පහ පමණ වී තිබිණි. ගිම්හාන ඍතුව බැවින්, ඒ වෙලාවේ බෙකර් වීදියේ තිබුණේ දීප්තිමත් හිරු එළියකි. මා නිවසට ඇතුළුවීමට සූදානම් වූවා පමණි. කුලීරියක් පැමිණ අපේ නිවස ඉදිරියේ නවත්වන ලදී. එයින් බිමට බැස්සේ කාන්තාවන් දෙදෙනෙකි. ඔවුන්ගේ පෙනුම අනුව ඒ. මීට සහ දුව විය යුතු යයි මම නිශ්චය කළෙමි. මැදිවියේ සිටි මව, පළමුවෙන් රියෙන් බිමට බැස්සාය. මීළඟට ඇය දෑත් දිගු කොට, දියණිය අතේ සිටි කුඩා දරුවෙකු වඩාගත්තාය. අවුරුදු 25 ක් පමණ වූ තරුණ කාන්තාව බිමට බැස්සේ, ඉන් අනතුරුවය. ඔවුන් පැමිණියේ හෝම්ස් හමුවීමට වියයුතු යයි මම අනුමාන කළෙමි. කුලී රථයේ රියැදුරා, බේකර් වීදිය අවට සැරිසරණ, දැක පුරුදු පුද්ගලයකු බැව් මම දුටුවෙමි.

මේ නෝනලා ආවේ ෂර්ලොක් හෝම්ස් මහත්මයා හොයාගෙන රියැදුරා කීය. ඒ මහත්මයා ගෙදර ඉන්නවා නේද?" "දවල් මං ගෙදරින් යද්දි නම් ඔහු සිටියා" මම කීවෙමි. " හදිසි ගමනක් නොගියා නම් මේ වෙලාවෙ ඇති."වැඩිමහල් කාන්තාව කුලීරියේ ගාස්තුව ගෙවන අතරේ. කුඩා දරුවා රැගත් තරුණිය මා අසලට ආවාය. “හෝම්ස් මහත්මයා හමුවෙන්න. අපි කල් ඇතුව දිනයක් සහ වේලාවක් වෙන් කර ගත්තෙ නැ. ඇය කීවාය. "එහෙම උව කියල විස්තර අපි හරිහැටි දන්නෙ නෑ

"කලින් වෙලාවක් යොදාගෙන තිබුණා නම් වැඩිය හොදයි" මා කීවේ. අපේ උඩු මහලට පිවිසෙන දොර විවෘත කිරීමට සූදානම් වෙමිනි. "එහෙම තිබුණා නම් හෝම්ස් මහත්මයා කොහේවත් නොගිහිං ඔබ එනතුරු බලාගෙන ඉන්නවා. අපි බලමු මේ

මා සීනුව නාද කළ ශබ්දය ඇසී, අපේ සේවක ළමයා පැමිණ දොර විවෘත කළේය. හෝම්ස් නිවසේ සිටින බැව් ඔහු පැවසීය. එය කාන්තාවන් දෙදෙනාට ඉමහත් සැනසීමට කරුණක් බැව් ඔවුන්ගේ මුහුණු වලින් පෙනිණ. අමුත්තන් උඩුමහලට කැඳවාගෙන ගොස්, අපේ විසිත්ත කාමරයේ අසුන් ගැනීමට සලස්වා . මම මගේ මිත්‍රයාගේ කාමරයේ දොරට තට්ටු කළෙමි.

" ඇතුළට එන්න වොට්සන් ඔහු කීය. "ඔබ කාන්තාවන් දෙදෙනෙකු සමඟ නිවසට පැමිණි බව මා දන්නවා, තරප්පු පෙළේ ඔබේ පා ගැටෙන හඬට අමතරව ඇසුණු හඬ, කාන්තාවන් දෙදෙනෙකුගේ පාවහන් වලින් නැඟුණු ඒවා. හොඳයි අපි අහල බලමු ඔවුන්ගේ ගැටලුව මොකක්ද කියලා" හෝම්ස් කීය. මඳ වේලාවක් ගතවෙද්දී ඔහු ඇඳුමෙන් පැළඳුමෙන් සැරසී විසිත්ත කාමරයට පැමිණියේය.

ඔවුනට හිස නමා ආචාර කොට, හෝම්ස් ඔහුට සුපුරුදු හාන්සි පුටුවේ හිඳ ගත්තේය. තරුණ කාන්තාවගේ ඇකයේ සිටි කුඩා දරුවා තවමත් නිදමින් සිටි බව මම දුටුවෙමි. කාන්තාවන් දෙදෙනා හැඳ පැළඳ සිටි ඇඳුම් වලින් පෙනුණේ ඔවුන් දුප්පත් අය බවයි.

“මේ ෂර්ලොක් හෝම්ස් මහත්තය නේද ? තරුණ කාන්තාව විමසුවේ දරුවා ඇගේ මවට භාර දෙමිනි. "මං මුහුණදීල තියෙන්නේ ලොකු ගැටලුවකට, මගේ අසල්වැසි කාන්තාවක් වන වයලට හන්ටර් මෙනෙවියට මං ඒක ගැන කිව්වා, වහාම ඇවිත් ඔබතුමා හමුවී, මගේ ප්‍රශ්නය ගැන කියන්න කිව්වේ හන්ටර් මෙනෙවිය යි.

 _ඉතින් යාලුවනේ අපි ඊළඟ එපියෙන් හමුවෙමු...._